Network
قَالَ: يَا رَسُولَ اللَّهِ مَا الْإِحْسَانُ؟، قَالَ: أَنْ تَعْبُدَ اللَّهَ كَأَنَّكَ تَرَاهُ، فَإِنَّكَ إِنْ لَا تَرَاهُ فَإِنَّهُ يَرَاكَ
Hartosna, “He Rosulalloh, naon ari hartosna ihsan?” Anjeuna ngawaler, “Ihsan teh anjeun ibadah ka Alloh, siga-siga anjeun ningal ka Alloh. Sanajan anjeun teu ngaraos ningal ka Alloh, tapi Alloh mah ningal ka anjeun.” (HR. Ahmad).
Tah ieu kedah leres-leres dijiwai ku urang sadayana. Urang ibadah teh hungkul ka Alloh. Sing bener-bener khusyu’ siga urang tos tiasa ningal sareng papayun-payun sareng Alloh. Mung saupamina teu acan ngaraos papayun-payun sareng Alloh, urang sing emut yen urang salamina diteuteup ku Alloh.
اللهُ أَكْبَرُ اللهُ أَكْبَرُ وَلِلّٰهِ الْحَمْد
Katilu, pelajaran puasa teh nyaeta nyadarkeun yen kawajiban puasa tina dahar, nginum, sareng tina rupa-rupa pangbatalan mah tempatna ukur dina bulan Romadon hungkul. Tapi puasa tina rupa-rupa perkara haram sareng padamelan tercela mah tempatna dina saumur hirup urang. Sareng deui, lamun keur sejeroning puasa urang sadayana dipiwarang ngeker tina perkara anu halal, maka komo tina perkara anu teu halal.
Baca Juga: TEKS Bacaan Takbir Idul Fitri Versi Panjang dan Pendek Tulisan Arab, Latin, dan Artinya
Tah saenya-enyana mah puasa teh rek mere pelajaran keur urang, yen dina sagala rupa oge urang teu kenging kaleuleuwihi sanaos eta perkara teh halal jeung milik urang. Rek tina jihat kadaharan, rek tina jihat gaul jeung bojo.
Jadi makna imsak anu secara bahasa nyaeta ‘ngeker’, saatos kaluar tina bulan puasa kudu bisa diterapkeun dina sagala widang. Ngandung harti urang teu meunang kaleulewihi. Kalebet dina poe lebaran ieu. Urang lain teu meunang bungah, lain teu meunang nganggo pakean weuteuh, lain teu meunang meser kadaharan anu ngeunah. Tapi kade urang ulah kaleuleuwihi. Sabab, Alloh swt. teu mikaresep ka jalma anu kaleuleuwihi. Kitu sakumaha anu tos diamanatkeun dina salah sawios ayat-Na:
يا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ
Hartosna, “He anak incu Adam, pake pakean anjeun anu endah satiap (asup) ka masjid oge dahar jeung nginum aranjeun, tapi ulah kaleuleuwihi. Saenya-enyana Anjeuna (Alloh) teu resep ka jalma-jalma anu kaleuleuwihi,” (QS. al-A’raf [7]: 31).
